أبي مستشار مالي يمشي معاي خطوة بخطوة ..!!

السلام عليكم ورحمة الله وبركاته

أنا مالجأت للطريقه هذي الا لما شفت الناس من حولي يستفيدون من رواتبهم وأفلوسهم وينمونها وانا محلك سر على العلاوة السنويه والحمدلله على كل حال ..
وإذا سألت كأن الناس خايفه أحد يعطيها عين أو شي ؟ لأنهم مايعطوني طرق ونصائح وآآضحه فيها غموض ولايمكن حله ..!!
أنا بحط بين يديكم المعلومات اللي أتوقع انها مهمه ..
مقدار الراتب / 8000 والحمدلله

مصروفي الشهري مايعادل 2000 ريال

عندي أقساط شهريه للبنك ماخذه قرض لاخوي وقيمته 2200 ريال وباقي سنه ويخلص ..

مع كل الظروف هذي كيف ممكن أكون رصيد كبير وثروة .تتوقعون ممكن يصير هذا الشيء ؟؟؟
مع العلم لا لي في الأسهم ولا في الصناديق والا أي شيء . اللهم إذا سمعت في اكتتاب وبس وحالياً ماعندي أسهم ..

أنتظر أقتراحاتكم المخلصه ونصائحكم ..

دمتم بحفظ الرحمن ..

أختكم أم ود

طيب أختي المتبقي تقريبا 3800 ريال

مبلغ صحيح إنه متواضع لدخول اسهم أو حتى صناديق لكن فرصة أيضا إن لم يكن لديك التزامات أخرى أن تجربي طريقة الخطوة خطوة

وخصوصا أنها تجربة تستحق العناء فالاسعار الان في سوق الأسهم قد تساعدك حسب المبلغ

صبــاح الخير جميعاً
ياهلا فيك أخوي / المستثمر السعودي
بصراحه أسمك فيه دعوه للتفاؤل ..
شاكرة لك مرورك هنا وردك الطيب . وبالضبط مثل ماتفضلت الباقي 3800 ريال
ممكن فضلاً لا أمراً توضح لي القصد بطريقة (( تجربي طريقة الخطوة خطوة ))
قصدك أجمع المبلغ يعني ؟ أو أشتري أسهم رخيصه ؟؟
إذا كان قصدك الأول ..!!! فـ هو حل منطقي لكن مو سريع ..
وإذا كان قصدك الثاني فـ هذا هو الهدف من مشاركتي .. يعني أيش الاسهم اللي ممكن أشتريها ( أسمها )
ومتى أبيعها ,, أنا هذا قصدي أبي احد يعلمني ويقول أشتري هذا اللحين وبيعي هذا الحين , عشان كذا قلت أبي مستشار مالي معاي خطوه بـ خطوووه .. عرفت !!
وألف شكر لك أخوي ..
بإنتظاركم ..

أم ود