الـقـسم الاقـتصادي العام - الاسهم السعودية تداول السوق السعودي تحليل توصيات متابعة حية لمستجدات التداول اليومي

26-06-2006, 07:37 PM

قبل ما اقول اسم الشركة .....

خلينا نقول ايش الي حصل في السوق بختصار....

اتوقع هوامير الاسهم الصغار حقين 2005 وحتى شيوخ السوق حقين ايام الشهادات
معهم كاش وماخذين قروض قوية بعد لان عندهم مشوار ثاني لان نفسهم طويل
مهب مثلنا الواحد كل يوم يخترش ويخاف من رساله او مكالمه مايعرف شي اسمه صبر
لأنهم
عارفين ان الوضع يمر بطفره مثل الي راحت قبل 8 اشهر
والضغط على سابك والاتصالات واصل H يعني على قولهم الحراره مرتفعه مره وراح ينفجر في أي وقت ورايح وصل المؤشر عند 14 الاف في أي وقت بس متى ...؟؟!!!

انواع التجميع في من صناع السوق
البلاد وسابك وبنك الرياض والبنك الهولندي
والاتصالات والمجموعة والتصنيع والغاز والتعاونية
وقطاع الاسمنت بعد

اهم شي احنا نستغل الوقت و الفرص في الشركات الي تطلع نسب الايام هذي
ونعوض الخساير ونقوي قلوبنا اهم شي ونبعد الخوف

نلاحظ التداول الايام هذي فيه فرص قوية منها كذا شركة دبلت ومنها 50% والي 25% المفروض الشخص ماتروح عليه
ونصيحه::
اي مرجف امسح رقمه من جوالك نصيحه ....!!

لو نزل السوق فرصه للشراء لان السوق نزل اكثر من 50% ايش اكثر من كذا نزل ننتظر حتى يطلع الشركات اسعارها سالب .....!!!

اهم شي ابي اقوله ::
1- تابع الشركات الصناعية والشركات التي لها اخبار جيده عن الارباح لان نتائج الربع على وشك الانتهاء هذي نصيحه للمستثمر لمدة شهر او شهرين .
2- لا تدخل بسيولتك كامله في شركة طلعت اكثر من 4 نسب .
3- هناك ضغط قوي من الهوامير على اصحاب الشركة ويجبرهم على نشر اخبار حسب رغبته ويحرك السهم مثل ما يشاء مثل ماحصل مع سيسكو وطيبه وهذا تخويف فقط.
4- السيوله تكون قوية في بداية الاسبوع وتنخفض في اخر الاسبوع وهذا شي طبيعي يحسبه بعض الناس تصريف البورصه لا بد يكون لها فترة انتعاش وفتره هدوء .

(( الصبر الصبر الصبر = $$$ ))

(( نصبر على الخسارة واذا جينا وقت الربح نطلع ....!!!!))

التـ$ـوصـ$ـيـة تحتاج صبر شوي وان شاءالله تعطيك اكثر من 30%

السيارات 61– الفنادق 62 – طيبه 61 – البحري 53
اليوم الاثنين 30/5/1427هـ 26/6/2006م

تحياتي لكم خالدسهم
KHALID-DREESKSA@HOTMAIL.COM

.

26-06-2006, 07:50 PM

بارك الله فيك اخوي خالد
والان السوق بدأ يظهر فيه بوادر الارتداد

26-06-2006, 09:20 PM

الله يعطيك العافيه اخوي خالد
والله كلامك كله حكم فهل من مستفيد
الله يسعدك اخوي
قول
امين

27-06-2006, 12:12 AM

متالق ورائع كما عهدناك
بارك الله فيك واثابك على عملك
اجدت واصبت فيما ذكرت
واحسنت الاختيار في تلك الباقة الرائعة بروعة واضعها
كل الود والتقدير

تحياتي ـــــــــــــــــــــــ ،،،،،

27-06-2006, 12:35 AM

الله يعطيك العافيه اخوي خالد

27-06-2006, 03:34 AM

بارك الله فيك

27-06-2006, 03:40 AM

الله يعطيك العافيه اخوي خالد

الـقـسم الاقـتصادي العام - الاسهم السعودية تداول السوق السعودي تحليل توصيات متابعة حية لمستجدات التداول اليومي

قبل ما اقول اسم الشركة ..... خلينا نقول ايش الي حصل في السوق بختصار.... اتوقع ...