الـقـسم الاقـتصادي العام - الاسهم السعودية تداول السوق السعودي تحليل توصيات متابعة حية لمستجدات التداول اليومي

>


عادي ماراح يحصل شي جديد
يا طلوع يا نزول واليوم الي بعده نفس الشي يا طلوع يا نزول
والتوجه الحقيقي لمؤشر للسوق فوق بدون جدال
بس اهم شي والي تبيه الناس تعرفه لا يكون نزول قوي وهذا الي شاغل تفكيرهم


لا تفكر ان يوم الاربعاء اغلق السوق وكان اكثر من شركة نسبه تحت ...!! انه يخوف وانه راح يستمر تحت لالالا والف لا
لو شفت الشاشه فوق حصلت بنك الجزيرة نسبه فوق ....!!!! يعني السوق مطمئن والي حصل مجرد جني ارباح فقط

لو تتذكر قبل شهر السوق مانزل فوق 1000 نقطه وصار كله نسب يوم الاربعاء ...!!
وكان اليوم الي بعده اخر يوم خميس فيه تداول تعرف ايش حصل ؟؟
السوق كله نسب فوق عكس الاربعاء ... صح


السوق مثل موج البحر طلوع ونزول والتوجه فوق باذن الله بس الوقت مطلوب والصبر
وارجو من الاخوان المرجفين ان لا يضغط في المنتدى على كلمة (( موضوع جديد ))
ويكتب مقاله وهو لا يفقه في السوق شي ويحب يخوف الناس
او يكون شخص له حقوق في المنتدى من تثبيت مواضيع مجرد راي شخصي وبعد فترة يكون العكس ...!!

وباذن الله نشوف المؤشر 13500 في نهاية الاسبوع القادم او الي بعده
والي يثبت لنا ان الرغبه لصناع السوق في رفع المؤشر ان لما حصل جني ارباح في الشركات الصغيره والي فيها مضاربه
تحركت القياديات في اخر الثواني عشان يثبت المؤشر ويغلق السوق فوق 13 الاف
وهذا الشي يثبت ان الاتجاه باذن الله فوق مع توجه السيوله للشركات الصناعية والشركات الي عندها عوائد وارباح وتوزيع اسهم
لفترة اسبوعيين حتى تنتهي نتائج الارباح

وتكون الفترة هذي الي راح نمر فيها المضاربه في الشركات الخسرانه شبه متوقفه وتكون في مرحلة تجميع
وفي نهاية الشهر او بعد ثلاث اسابيع راح يكون هناك ارتداد للشركات الخسرانه وتكثر المضاربه قوية
بعد ماتاخذ كل من الشركات القيادية اسعار واهداف كان مخطط لها مسبق قبل النتائج وهذا يحتاج وقت احتمال ثلاث اسابيع
۩۩۩۩۩۩۩۩۩
۩۩ موضوع ثاني ۩۩
۩۩۩۩۩۩۩۩۩
السوق والاتجاه الجديد


المستثمرين والصناديق والمضاربين الكبار في السوق ينتظرون بكل شغف ولهف
نتائج النصف الأول من العام الجاري لشركات السوق وخاصه القيادية لانها راح تحدد اتجاه السوق

وخاصه ان المتداولين ومنهم المستثمرين في السوق يتابعون الشركات الي عندها عوائد ومحفزات
وفوق هذا الاسعار الي هي موجوده عليه والمكررات المعقوله وخاصه القياديات

مثلا سابك معظم الناس تعرف ان ارباحها في الربع الي قبل صار فيه انخفاض وان الربع هذا متوقع فيه ارتفاع
لان في الفترة الماضي صار فيه زيادة في الانتاج وفوق هذا ارتفع البترول الايام هذي وان شاءالله يكون في ارتفاع دايم

وغيره من الشركات القيادة مثل البنوك والاتصالات والكهرب وقطاع الاسمنت
وخاصه الراجحي الي صار له ارتفاع في الارباح بزيادة فوق 87% مع ان عنده مشكله مع مصلحة الزكاة والدخل ...!!!

هذي الشركات راح تخلينا نعرف الاتجاه الصحيح لانها تاثر على المؤشر وعدد اسهمها كثيره
ومستحيل شخص لوحده يقدر يتحكم فيها بشكل كامل وهذي ميزة القياديات وهذا شي يطمن
باختلاف عن الشركات الصغيره الي عدد اسهمها قليله والمضاربه فيه بشكل مستمر والحمدلله ان مالها تاثر قوي على المؤشر
لو كان لها تاثير كان صار المؤشر في تذبذب عالي
۩۩۩۩۩۩۩۩۩
۩۩ موضوع ثالث ۩۩
۩۩۩۩۩۩۩۩۩

صعوبه دخول السوق في البداية والخروج منه



هذي مشكله يحتاج لها حل من قبل هيئة سوق المال وتدخل اكثر من جهه مختصه لان صناع السوق يتلاعبون باسعار الشركات قبل الافتتاح بادخال اومر شراء او بيع وفي اخر الثواني تتغير
او يكون السوق فاتح على صعود وفي فترة قصيرة تتغير الشاشه من اللون الاخضر الى احمر ....!!


لو نلاحظ السوق في الفترة الي راحت ان بداية السوق تحصل هزه بسيطه او انعكاس في المؤشر بشكل سريع
وفي اقل من نصف دقيقه وبعد دقيقتين يثبت المؤشر عند نقطه معينه وبعد عشر دقايق يحصل التغير في السوق
يا طلوع او نزول بطريقه بطيئة وقبل الاغلاق بعشر دقايق يحصل هزه قوية تربك الناس
وتجعل كثير من المضاربين البيع لو بخساره وفي اخر الثواني يرجع المؤشر بسبب ارتفاع شركة قيادية او بنك


هذي مشكله لازم نوجد لها حل وهذي مطروحه حاليا في الهيئة وتدرس ولكن لم يبت فيها أي قرار
يريح المضاربين من العمليات الي تاثر على المؤشر بسرعه غير منطقيه


۩۩۩۩۩۩۩۩۩
۩۩ موضوع الرابع ۩۩
۩۩۩۩۩۩۩۩۩
التركيز على بعض الشركات

منها الي تم رفع راس المال والي منها عندها توزيع ارباح والي حصل فيها اكتتاب .......الخ . وخاصة الفترة القادمه

مثلا :: التصنيع عندها رفع راس مال اغلق 100 ريال ومتوقع في 10 ايام يطلع 20%
وكان فيه حركة قوية تابعناها الاسبوع الماضي وخاصة اخر الاسبوع
في ينساب واتحاد الاتصالات والاتصالات س والمجموعة س والمراعي وصافولا وبنك الجزيرة والراجحي
وهذا يدل على ان السيوله صارت تتجه للشركات الكبيره وهذا راح ياخذ وقت 3 اسابيع بالكثير وبعدها ترجع السيوله للشركات الصغيره وللمضاربه انصح بعدم البيع بخساااااره مهما حصل الثمن الا في حالة فرص التعويض







والشركات الي احب يكون التركيز عليها في الاسبوعيين القادمة واتمنى ان يكون دخولك الايام القادمه استثمار قصير المدى افضل من المضاربه

( الغاز 66.50 - الاحساء 92.75 – الكيميائية 56 – المجموعة س 78.50 –
طيبه 58 – الاتصالات س 118.50 – اتحاد الاتصالات 87 – التعاونية 173 ))

(( قطاع الاسمنت ممتاز وكثير من الشركات عليها اخبار جيده ))

صدر الموافقه على رفع راس مال النقل البحري وراح ينزل على الشاشه عن قريب

كثير من الشركات الي مؤهل تطلع الايام القادمه بسبب اخبار رفع راس مال او اندماج
الي يتكرم ويقدر يحصرها اكون له من الشاكرين
لا تنسا ان الصدقه تبارك في المال ولو فكرنا في الايام الماضية والخساير التي تعرضنا لها
لو كان فيها صدقه كان حصلنا منه خير في الاخره



اسف على الاطاله

تحياتي لكم

خالدالدريس
Khalid-dreesksa@hotmail.com

يعطيك العافيه يا خالد

التوقيع :

مســـتثـمـــر عــربــــي

خالد
الله يعطيك العافية وبارك الله فيك

احب ان اذكركم ان السيوله القوة دايم تكون اول الاسبوع حتى منتصفه
وهذا شي يوحي ان السوق باذن الله طلوع
واهم شي تابع قطاع الاتصالات وقطاع الاسمنت

كما كنت متوقع ان السوق سوف تتجه السيوله للشركات القيادية
وخاصة الاتصالات وبنك والراجحي وكان هناك ثبات قوي لسابك
وكل هذا لكي تحافظ على المؤشر ويكون فوق 13 الاف

ولكن للاسف كان جني الارباح في الخدمات والزراعيات بشكل قوي
بسبب الخوف المتزايد



والسيوله اليوم شبه جيده فوق 11 مليار للفترة الصباحية
واتوقع الفترة المسائية تكون فوق 12 مليار وانه سوف يكون تحسن بسيط لقطاع الخدمات

ماشاء الله عليك اخي خالد
رائع ومتكامل بارك الله فيك واثابك

بارك الله فيك

خالد
الله يعطيك العافية وبارك الله فيك

الله يعطيك العافية