بسم الله الرحمن الرحيم
الاسهم ... ماراح اتكلم عنها لان الكل هنا يعرفها ...
العملات ...
انا كتبت هذا الموضوع بعد ماقريت موضوع الاخ / المصري على هذا الرابط ..تقديراً لجهود العضو يتوجب الرد لتتمكن من رؤية المحتوى
ياشباب ويااخواني واحبائي ..... سوق العملات يعتبر بحر غزير جدااا يغوصة مئة شخص ولا ينجي منه الا شخص واحد فقط و99 يغرقون ....
بالنسبة لموضوع اخونا في الله على الرابط السابق فهو عبارة عن دعاية فقط لاغير .... الارباح والارزاق بيد الله .... والشي المضمون ربحه حراااااااام .....
صحيح ان هناك استراتيجيات وتحليلات مااقول انها تضمن الربح ولكن اقول انها ممكن تقلل من الخسارة في حال وقوعها .....
يعني بالعربي الشغل المرتب مو زي الشغل العشوائي ..........
تقريبا كل هذا الكلام معروف لديكم ... وانا اقوله تذكير مو قصور فيكم ،،،،
اللي ابي اوصلة هو ......
لاتفكر تدخل سوق العملات الا في حالة وحده فقط وهي انك تحط مبلغ قليل وتحط في بالك 99 % ان هالمبلغ ماراح يرجعلك. يعني انك تبي تخسرة ......... اذا حطيت هالشي براسك وقتها اقولك تقدر تدخل فيها ...........
السبب ... لان يمكن ربي يوفقك وربحت لمده شهر كامل يعني يوميا تربح ... لكن خلال ثواني معدودة لاحظ ثواني يعني مو دقايق ثوااااني تخسر اللي كسبته طول الشهر وتخسر 75% من راس مالك ..
انا ماابي اخوف احد بالعكس والله العظيم ثم والله العظيم اني خايف ان واحد فيكم يعجبة الموضوع ويروح يحط له مبلغ وقدرة يبي يجرب وبعدها يخسر كل ماعنده ....... يعني يكفي خسارة من اهلنا وربعنا ...
سوق العملات خطييييير جداااا جداااا .......... ومهما الانسان تعلم فيه يعتبر جاهل ....
انا مااقول الكلام هذا تحطيم او تقليل من شأن احد لا بالعكس .... انا والله خايف ان احد يخسر لاني واللي مايخليلي بزورتي اني اذا شفت احد خسر وخاصة بالتجارة سواء الاسهم او العملات او ان شاء بسطة خظرة او محل بوفيه ........ اقسم بالله ان اتحسر لدرجة البكاء ...... لاني عارف وضع اغلب الناس وبالاحرى ربعنا وجلدتنا ( اخوان بدوى )
وفي نفس الوقت انا مااقول هالكلام نكران للخير اللي حصلته من ورى العملات واظن قلتها مرة في موضوع او مشاركة ......... وقلت باني دخلت عالم المليون دولار بفضل الله ثم العملات وفي خلال تسعة اشهر بالظبط .......
بس بعد خسائر كثيرة ودروات اكثر ودخان اكثر لدرجه والله العظيم ولدي احيان يمرض ولازم اوديه المستشفى واقول لا بكرة بعده ماني فاضي ماعندي وقت ما ما ما ....... وزوجتي وعيالي اخذ بالايام ماشفتهم ماادري اش اخبارهم ..... كنت اوديها لاهلها تجلس بالاسبوع والاسبوعين ..... يعني بصراحة كنت مقصر لدرجة الوقاحه ...........
بس الحمد لله حققت الهدف اللي بديت اساسا لتحقيقة ..... والان
اطقطق عل الخفيف وسوق الاسهم تاركة من فترة ولاعندي نية ارجعلة ........
ومشاركاتي بالمنتدى اقسم بالله انها بسبب ....
اولا .. ابو مناف
ثانيا .. يمكن اقول معلومة او توصية او او ينتفع بها غيري منكم ... ا
انا ماني معصوم من الخطا او منزه لا .. انا بشر وبالعكس اندقيت من الدنيا وشفت مالايطاق مع اني لسى ماوصلت ثلاثين سنه .......... ( انا اقول كذا لان ماابي احد يقول وش فيه الادمي مسوي حكم ومواعظ ووووووو )
.................................................. .....
يااخوان والله العظيم اني ماابي احد يخسر ولو هلله بالسوق السعودي ...
.................................................. .....
لان وبالعربي الفصيح ( احنا اغنى دولة وافقر شعب ) ............
.................................................. ..... وكمان هذا مصدر رزق ودخل لكثير من الغلابا فليش الكبار والهوامير يسون كذا .. انا مااقول هالككلام اقصد انهيار السوق ايام كان 21 الف .. لا
واصلا لما صار انهيار السوق التاريخي والله اني خرجت من السوق قبلها بيومين وكان عندي خبر بهالشي .. وفيه واحد بهالمنتدى يعرف الشي هذا بالتفصيل ... لدرجة اني اتصلت عليه وقلتله اطلع من السوق ... قال لا ابطلع يوم السبت .. واصريت عليه انه يطلع وكان وقتها الثلاثاء لدرجة اني رحتله البيت واصريت عليه واقسمت عليه ... فخرج ......
................ انا اقصد مايحدث بالسوق بشكل عام .. لاني والله جلست مع مدراء محافظ ورؤساء شركات مدرجة بالسوق وعرفت منهم الشي الكثير ( اللي مايبض الوجه )
.................................................. ........................................
اخواني انا ماكتبت الموضوع فلسفه او اني فاضي .. لا والله كتبته من حب وخوف ...
بالنسبة للعملات ولمن اراد الدخول فيها انا على اتم الاستعداد بالوقوف معه وتعليمه خطوة بخطوة من الالف الى الياء عن طريق الماسنجر او ان شاء الجوال ... يراسلني على الخاص ويبشر باللي يدسم شاربه ........ عشان لااحد يفكر اني ارهب واخوف منها لاي سبب كان ......
.................................................. .................................................. ..
اخواني بقولكم شي باختصار
السوق السعودي ...
مثل اللي ((( يعطيك باليمين وياخذ باليسار ))) واذا كنت نبيه وفطين قدم اليمنى ودس اليسرى ....
...............................................
كيف تقدم اليمنى وتدس اليسرى ؟؟
انك تسوي لنفسك استراتيجية وتخلي شغلك بعقلانية وبترتيب وبدون طمع ولاتخليها ( طقها والحقها ) وتحاول تتعلم اكثر وتفهم اكثر ولاتتسرع في قراراتك واشياء كثيرة تسويها مافيكم قصور عن معرفتها .....
.................................................. ..................
اخواني واساتذتي اعذروووني على الاطالة والفلسفه ودش الحكي وعدم اللباقة ...
فوالله ماقلت هذا الا من صادق محبه وخوف عليكم .........
.................................................. ...............
اللهم ارزقهم اجمعين اللهم ارزقهم اجمعين
اللهم اني قلت ( واذا سألك عبادي عني فاني قريب اجيب دعوة الداعي اذا دعاني ) اللهم اني اقف على بابك فلاتردني خائبا .. اللهم لاغني لي عن سؤالك ..... اللهم ارزقهم اجمعين وبارك لهم فيما رزقتهم ...... اللهم امين يامجيب السائلين .........
.................................................. .................
اخواني اخيرا ..
اقول لكم الودااع المصحوب بدموع الفراق ،، سأترك المنتدى نهائيا ... الا عن الاخوان الذين قلت لهم اذا ارادوا الدخول بعالم العملات يراسلوني على الخاص فسوف اتابع معهم الا ان انفعهم .........
................ ارجووووووا من كل واحد فيكم كلا باسمه ان يسامحني على التقصير ...... والعذر والسموحه من كل واحد اسأت له .........................
استودكم من لاتضيع وداعه ....
اخوكم المحب / العميل الخاص
تركي بن عبدالله الحربي
العملات @@@@ سوق الاسهم
