هذه مقتطفات من قصائد لشــــعراء كبار و تشتمل على حكم ونصائح وقضايا كانت تلامس هموم الناس في تلك الفترة ولا زالت تعتبر حكم نادرة حتى اليوم





بــركـــات الــشــريــف


أحفظ دبشك اللي عن الناس مغنيك

اللي ليا بـان الخلـل فيـك يرفـاك

وأعرف ترى مكة ولاهـا بناخيـك

لو تطلبه خمسة ملاليم مـا أعطـاك

والحر مثلك مـا يصحـب الديـك

وإن صاحبه عاعا معاعات الأديـاك

----------------------------------------

الشـريـف جــري الجـنـوبـي



ليا عـاد مـا للرجّـال رأيٍ يدلـه

يأخذ مـن أشـوار الرجـال دليـل

------------------------------------------------------



من عوّد العيـن المنـام تعـوّدت

ومن عوّد العيـن المسـاري تعـاود

ومن عـوّد الصبيـان أكـل بيتـه

عاودوه في عسر الليالـي الشدايـد


راشــــــد الـــخـــلاوي


----------------------------------------


النوم رأس اللوم بان الـردى بـه

واللي يبي الطولات نومـه شلافيـح

الذيب مـا يرقـد ورزقـه نهابـه

يـدوّر الغـرات عنـد المصالـيـح

واللي يبا الطولات يتعـب ركابـه

والعز بأكوار النضـا ياهـل الفيـح


مـريــبــد الــعــدوانــي



----------------------------------------


فتـى بـلا عـزم حياتـه مـذلـة

والعـزم لقلـوب الرجـال طبـيـب

من لا صبر بالعسر ما ذاق يسرها

وبـاب الفـرج للصابريـن قريـب





محـمـد الأحـمـد الـسـديـري
------------------------------------------

مقام الفتى في منصب العز ساعـة

ولا ألف عام يصحب الـذل صاحبـه


راشــــــد الـــخـــلاوي

---------------------------------------


المراجـل مـا تهيّـا هالسّـويـا

كود من عض النواجذ فـي سنونـه


عــبـــدالله الـقـريــفــة

---------------------------------------------


الظفر ساعـه وإن حـلّ ماجوبـه

والمراجـل لهـا حـزّات ورجالـي


ضــيـــدان الـعــارضــي

----------------------------------------


الحمّـرة تـدرك معوشـة عيالهـا

وألا الرجل يبغى منه بعض الأحـوال


خلـف أبــو زويــد الشـمـري

-------------------------------------------------


ليا صار ما توفي عميلك من الصاع

ما ينقعد لك عنـد حصـن النواهيـم

شبرٍ من البيداء يعوّضك بالافـزاع

وسود الليالي يبعدنّك عـن الضيـم



ســعـــدون الـعــواجــي


-------------------------------------------


من لا يديس الرأي من قبل ما ديس

عليـه داسـوه العيـال القـرومـي

ومن لا يقلّط شذرة السيف والكيس

يبدي عليـه مـن الليالـي ثلومـي

والقصر ما يصلح على غير تسييس

ومن لا تعلـم مـا تفيـد العلومـي


تـركــي بــــن حـمـيــد

------------------------------------


الناس ما تسقيك لا صرت عطشان

ولا يشرب المضمي كود من ذراعـه

أضرب على الكايد ليا صرت بحلان

وعند الولي وصل الحبل وإنقطاعـه

عيبٍ على اللي يتقي عقب ما بـان

وعيبٍ طمان النفس عقـب إرتفاعـه


عـبـيـد الـعـلـي الـرشـيـد

--------------------------------------


من حل دار النـاس حلّـوا ديـاره

لابـد مـا تسكـن ديـاره ويغبـن

ومن شق ستار الناس شقوّا ستاره

ومن ضحك بالثرمان ضحك بلا سـن


شـالــح بــــن هــــدلان

----------------------------------------------


حـيٍ يورّيـك المذلـة وتغلـيـه

أنا أشهد إنك ميـت القلـب عامـي

مـن لا يـوّدك لا تـوّده وترجيـه

أرفع مقامـك يـا عزيـز المقامـي


محـمـد الأحـمـد الـسـديـري
--------------------------------



الضرس يعبى له عن السهر مقلاع

حتى تنام العيـن مـا هـي طلابـه


خــــــلـــــــف الأذن
------------------------------------------


أنا أشهد إن بقصرة الرجل نوماس

لا صار ما للرجـل داعـيٍ دعاهـا


مـبــارك بـــن عـبـيـكـة


---------------------------------------


لا تأخذ الدنيـا خـراصٍ وهقـوات

يقطعك من نقـل الصميـل البـرادي

لك شوفةٍ وحده وللنـاس شوفـات

ولا واديٍ سيلـه يفيـض بــوادي


عـبــدالله بــــن سـبـيّــل
----------------------------------------



لا يأمن المظهـود جمـع المعـزة

ولا يأمن الجمـع العزيـز الظهايـد

أيضا وبيت الفقر لا يأمـن الغنـى

وبيت الغنى لا يأمـن الفقـر عايـد


راشــــــد الـــخـــلاوي



------------------------------------

ليا خاب ظنـك بالرفيـق الوالـي

ما لك مشاريهٍ علـى نايـد النـاس


محـمـد الأحـمـد الـسـديـري

----------------------------------------------


يا بايعٍ جوخٍ علـى غيـر أهاليـه

مثل الـذي ينـزل بقصـرٍ خرابـه

ولد الردي لو طاب لك لا تماشيـه

يومين والثالـث يبيـن الـردى بـه


مـشـعـان بــــن هــــذال

--------------------------------------------



لعل قصرٍ مـا يجـي لـه ظلالـي

ينهد مـن عالـي مبانيـه للسـاس

لا صار ما هـو مدهـلٍ للرجالـي

وملجأ لمن هو يشكي الضيم والباس


محـمـد الأحـمـد الـسـديـري


------------------------------------------------


الأجواد إن قاربتهـم مـا تملّهـم

والأنذال إن قاربتها عفـت مـا بهـا

الأجواد وإن قالوا حديـثٍ وفوبـه

والأنذال منطـوق الحكايـا كذابهـا

الأجواد صندوقين مسـك وعنبـر

ليا فتحت أبوابهـا جـاك مـا بهـا

والأنذال لو غسّلوا ايديهم تنجّسـت

نجاسة قلوبٍ ما يفيـد الـدواء بهـا


مـحــمــد الــمــهــادي


-------------------------------------------


أحدٍ على جـاره بختـري ونـوّار

وأحدٍ علـى جـاره صفـاةٍ محيفـه

خطو الولد مثل البليهي ليـا ثـار

زودٍ على حمله نقـل حمـل أليفـه

وخطو الولد يا مال قصّاف الأعمار

لا نافـعٍ نفسـه ولا منـه خيـفـه


مقـحـم النـجـدي الـصـقـري


------------------------------------------------


شبعنا وشبع الذّر من زاد سورنـا

وللـذّر فـي زاد الكـرام مـعـاش

يعطي العطى من كان ضاريٍ للعطى

ويمنّ العطى مـن كـان خالـه لاش

ومن لا يعرّب منسبه قبـل منشبـه

تـروح عليـه عيـلانـه بــلاش




...........





عـــرّب ولـيــدك عـرّبــه

والـنــار مـــن مقبـاسـهـا

والـعـز بــوروك الـنـسـاء

الـلــي عـريــبٍ سـاسـهـا

بـنـت الـــردي لا تـأخــذه

لــو هــو طـويـلٍ رأسـهــا


............





لا تأخذ الهزلا على شـأن مالهـا

ولا تقتبـس مـن نارهـم بالوقايـد

لا تأخـذ ألا بنـت قـومٍ حميـده

لعـل ولـدٍ منهـا يجـي بالفوايـد


راشــــــد الـــخـــلاوي


------------------------------------------------


أبا أنذر اللي من ربوعي يبا الطيب

لا يأخذ ألا مـن بيـوت الشجاعـه

يجي ولدها مـذربٍ كنّـه الذيـب

عزٍ لأبـوه وكـل مـا قـال طاعـه

وبنت الردي يأتي ولدها كما الهيب

غبـنٍ لأبـوه وفاشلـه بالجماعـه

يا كبر زوله عند بيـت المعازيـب

متحـريٍ متـى يـقـدم متـاعـه


شـالــح بــــن هــــدلان
-------------------------------------------------



الطيب ما هـو بـس للضاعنينـا

قسّم علـى كـل الوجيـه المفاليـح


بــــــداح الـعـنــقــري


--------------------------------------------


ما مـال ألا فـارغٍ مـن زبرهـا

ولا حـي ألا مقتفـيـه الممـاتـي


ســعـــدون الـعــواجــي


--------------------------------------------


لولا الهرم والفقر والثالث المـوت

يا الآدمي بالكون يـا عظـم شأنـك

لولا الثلاث وشأن من قدّر الفـوت

نفـذّت كـل اللـي يقولـه لسانـك


محـمـد الأحـمـد الـسـديـري

-------------------------------------------------



أيامنـا والليالـي كـم نعاتبـهـا

شبنا وشابت وعفنا بعض الأحوالـي


بــديـــوي الــوقــدانــي

--------------------------------------------


نعـد الليالـي والليالـي تعـدنـا

العمـر يفنـى والليـالـي بـزايـد


راشــــــد الـــخـــلاوي

-------------------------------------------------



شابت لحانـا مـا لحقنـا هوانـا

وعزي لمن شابت لحاهم على مـاش


مناحـي بــن مـعـدل السهـلـي
-------------------------------------------



وأخير منهـا ركعتيـن بالأسحـار

لا طاب نوم اللـي حياتـه خسـاره


تـركــي بــــن حـمـيــد


----------------------------------------------


يا دحيم ريضان الجماعـة مريفـه

واللي مع الأجناب كنّـه علـى نـار

الطير بالجنحان مـا أحـلا رفيفـه

وليا إنكسر حدا الجناحين مـا طـار

ويمنى بلا يسرى تراهـا ضعيفـه

ورجلٍ بلا ربعٍ علـى الغبـن صبّـار


عبـدالله بـن سجـوان الـرويـس

------------------------------------------------


والله يا لولا العظـم يومنـي أمـلاه

أكويه بالجمـرة ويكـوي جروحـي

مع دلةٍ صفرا على النـار مركـاه

أقصر بصبتها علـى كيـف روحـي

فنجالها يشدي خضـاب الخونـداه

الجادل اللي عنـد أهلهـا طموحـي

عدّه لمن يثنـي خـلاف المخـلاه

فكـاك بالضيقـات راع اللحـوحـي

وعدّه لقـرمٍ مـا تونـي مطايـاه

يضوي ولو صكت عليـه النبوحـي

وعدّه لمن تدفـق السمـن يمنـاه

عيـدٍ لربعـه بالزمـان الشحوحـي

وباقي الرجال فحول نسوان ورعاه

ضباط مـال وحافظيـن السروحـي


ذعار بـن مشـاري بـن ربيعـان
----------------------------------------------



لا شفت خطو الظول بالـك تعسّـه

وإن فارقـك شـر المخاليـق خلّـه

لو عندنا من غيـب الأيـام رسّـه

الآدمـي مصلـوح نفسـه يـدلّـه


محمـد بـن مهلهـل بـن شعـلان

---------------------------------------------


من صد عني له الطـاروق خليتـه

عيبٍ على البنـات النـاس يبلاهـا


محمـد بـن حـجـي المطـيـري
------------------------------------------


من عافنا عفناه ولو كـان غالـي

ومن باعنا بالرخص بعنـاه بزهـود


مـزنــة بـنــت مــكــازي


-----------------------------------------


برقٍ مصدٍ لو مزونـه لهـا نـور

لا تستخيلـه لـو ربيعـك شفـاقـه

من لا استشارك لا تعدّي له الشور

ومن لا يـوّدك نـور عينـك فراقـه


الـدقــيــس الجـمّـيـلـيّـه

--------------------------------------



الـزول زولـه والحلايـا حلايـاه

والفعل ماهوب فعـل واف الخصايـل


زوجــة وديــد بــن عــروج



----------------------------------------



يا عين هلي صافي الدمـع هليـه

وليا انتهى صافيـه هاتـي سريبـه

اللي يبينـا عيّـت النفـس تبغيـه

واللي نبي عيّـا البخـت لا يجيبـه


نـــــورة الــحــوشــان




انشاء الله اعجبتكم